Shumë qendra të testimit po mbyllen ne Zvicër

Gjatë pandemisë qendrat e shqyrtimit të Covid u ngritën si ‘kërpudhat pas shiut’, shkruajnë mediat zvicerane.

Ato nuk ishin vetëm të nevojshme nga këndvështrimi i shëndetit publik, por edhe një sipërmarrje fitimprurëse, duke qenë se, në varësi të rrethanave, analizat paguheshin ose nga qeveria ose nga vetë individët, përcjell albinfo.ch.

Por, duke qenë se testet dhe certifikatat Covid nuk kërkohen më në Zvicër, disa qendra testimi do të mbyllen, ndërsa të tjerat do të vazhdojnë të funksionojnë, pasi personat e pavaksinuar që udhëtojnë jashtë vendit mund të kenë ende nevojë të testohen.

Po ashtu edhe çmimet do të jenë më të ulëta se më parë për testet e PCR dhe antigjen.