OBSH heton sulmet mbi spitalet në Ukrainë

“Vetëm një rast është konfirmuar deri më tani”, tha shefi i OBSH-së

Organizata Botërore e Shëndetësisë (OBSH) tha se është thellësisht e shqetësuar për raportet e sulmeve ndaj objekteve shëndetësore në Ukrainë, përcjell Albinfo.ch.

“Vetëm një rast është konfirmuar deri më tani”, tha shefi i OBSH-së, Tedros Adhanom Ghebreyesus, duke iu referuar një incidenti në një spital, i cili u godit dhe katër njerëz u vranë.
Raportet për sulme të mëtejshme po vazhdojnë të shqyrtohen, tha ai, duke theksuar se sulmet ndaj objekteve shëndetësore shkelin ligjin ndërkombëtar. Rusia ka thënë që nga fillimi i pushtimit se caqet civilë nuk do të sulmohen.

“Furnizimet e ndihmës së parë të organizuara nga OBSH-ja do të mbërrijnë në Poloni të enjten. Ato përfshijnë 36 tonë material për operacione emergjente, si dhe ilaçe dhe sende të tjera për të ushqyer 150,000 njerëz”, tha ai, transmeton Dpa.

“OBSH-ja ka qenë në Ukrainë për shumë vjet. Edhe para pushtimit rus, 23 spitale ishin ndarë me pajisje mjekësore dhe materiale të tjera”, tha koordinatori i ndihmës emergjente, Mike Ryan.
OBSH-ja ka nisur një apel për donacione që arrijnë në 45 milionë dollarë për Ukrainën dhe 12.5 milionë dollarë për vendet fqinje për të ndihmuar njerëzit e prekur.

---