Presidenti i Ukrainës vjen me një thirrje të radhës – këtë herë duke i bërë një lutje popullit rus

facebook

Presidenti i Ukrainës, Volodymyr Zelensky, ka ardhur me një thirrje të radhës – këtë herë duke i bërë një lutje popullit rus.

Ai tha se “nuk është shumë vonë” që shtetasit rusë të përpiqen të ndihmojnë në ndalimin e kësaj lufte.

“Kjo është koha që ne mund ta mposhtim të keqen, kur nuk është vonë. Mund të humbisni vetëm punën tuaj… mos e humbisni mundësinë”, citohet të ketë thënë ai, përcjell Albinfo.ch.

“Shtetas rusë, kjo është një luftë jo vetëm për paqen në Ukrainë, kjo është një luftë për lirinë tonë”.

“Nëse heshtni tani, atëherë në të ardhmen vetëm varfëria juaj do të flasë në emrin tuaj. Mos heshtni”.

Në një thirrje të radhës ai tha: “Ne po luftojmë për të sotmen tonë, po luftojmë për kufirin tonë, po luftojmë për lirinë tonë – të mos bëhemi skllevër”.