Triumfon Faton Vukshinaj, synon të bëhet kampion bote

Boksieri shqiptar ka shënuar një fitore shumë të rëndësishme në karrierën e tij

Boksieri shqiptar, Faton Vukshinaj, i cili jeton dhe vepron në Zvicër, ka shënuar fitore shumë të rëndësishme të shtunën mbrëma, shkruan albinfo.ch.

Ai ka triumfuar ndaj Nicolas Pitto, i cili ka dorëzuar meçin në raundin e parë, duke mos arritur t’i bëjë ballë goditjeve nga boksieri shqiptar.

‘Vullkani’ ka 14 fitore në boksin profesionist, prej tyre nëntë me nokaut dhe dy barazime.

Pas ndeshjes, Faton Vukshinaj foli për duelin e fituar dhe synimet në karrierën e tij. “Boksin nuk i dihet asnjëherë. Nëse më jepet mundësia e përfundoj sa më shpejt. Jam përgatitur shumë për këtë meç. Kemi bërë përgatitje profesionale. Unë gjithmonë jam i gatshëm të ngjitem në ring. Unë synoj të bëhem kampion bote. Unë e di se duhet shumë punë dhe kohë, megjithatë, nuk do të ndalem derisa të arrij synimet e mia”, është shprehur boksieri shqiptar në një intervistë ekskluzive për albinfo.ch.

 

---