Lajme

Ish-ushtari gjerman i UÇK-së fotografohet edhe në Ukrainë

E martë, 12 Prill 2022 - 12:00 albinfo.ch

instagram

Raportohet se ish-ushtari gjerman i UÇK-së, Roland Bartetzko, është shfaqur nga Bucha e Ukrainës, aty ku ditë më parë forcat ruse bënë masakër ndaj popullsisë civile, përcjell albinfo.ch.

Ish-ushtari Bartetzko ka publikuar një foto nga atje, duke e përmendur edhe lokacionin në Bucha.

Roland Bartetzko, ish-nënoficer i Bundswehrit gjerman, dy herë ka luftuar kundër serbëve – në Kroaci dhe në Kosovë.

Kujtojmë se varreza masive, trupa të pajetë të shtrirë në rrugë u panë në masakrën që ka ndodhur nga rusët në qytetin e shkatërruar pas çlirimit, Buchës.

Vendet ndërkombëtare kanë reaguar për mizoritë e zbuluara pasi forcat ruse u tërhoqën nga periferia e Kievit, Bucha.

Kryebashkiaku i Bucha tha se të paktën 280 njerëz u varrosën në varre masive.