Gjenevë: Ndërprerja e rrymës shkakton telashe, shumë persona mbetën të bllokuar në ashensorë

@pixabay

Një ndërprerje e energjisë preku rreth 6,000 banorë të Gjenevës, duke zhytur shtëpitë në errësirë dhe duke bllokuar njerëzit në ashensorë.

Ndërprerja goditi Vernier dhe pjesë të qytetit pak para mesnatës të së premtes, shkruajnë mediat zvicerane, përcjell albinfo.ch.

Kompleksi i apartamenteve Le Lignon ishte në errësirë totale për rreth gjysmë ore. Disa u ngjitën në më shumë se 20 kate për të shkuar në shtëpi dhe disa të tjerë u mbërthyen në ashensorë të errët.

Ekipet e zjarrfikësve iu desh të shpëtonin njerëzit nga katër ashensorë të veçantë gjatë ndërprerjes së energjisë elektrike.

Kompania e shërbimeve, SIG, thotë se një transformator u ndërpre.