‘Bebe’ e Era Istrefit, aktualisht kënga më e dëgjuar në Zvicër

Kjo këngë tani është bërë virale në gjithë botën, veçmas në Tik tok”.

Këngëtarja e njohur shqiptare, Era Istrefi, bëri rikthimin fuqishëm në muzikë dhe po pëlqehet në masë të madhe edhe ndërkombëtarisht, shkruan albinfo.ch.

Ajo solli këngën e re dy javë më parë, të quajtur “Bebe”, të kompletuar edhe nga ana vizuale.

Ky projekt i artistes u prit mirë dhe për kaq kohë të shkurtër kaloi shifrën e gjashtë milionë klikimeve në platformën YouTube.

Veç kësaj, kjo këngë ritmike u bë virale dhe po qëndron në vend të parë në top listat në Zvicër.

Lajmi është bërë i ditur përmes një postimi të shpërndarë nga 27-vjeçarja në InstaStory.

Kënga është bërë virale në Tik tok në gjithë botën.

Duhet theksuar se “Bebe” është projekti i parë i Istrefit, i lansuar nën menaxhimin e LEAF Management. /Albinfo.ch

---