Aksident tragjik, humb jetën mërgimtari 20 vjeçar

Aksidenti ka ndodhur midis Borgonovës dhe Pianellos

Raportohet se ka ndodhur dje një aksident tragjik ku mërgimtari 20 vjeçar ka humbur jetën për shkak të lëndimeve në Itali, transmeton albinfo.ch.

Thuhet se K.A po udhëtonte me motor kur u përplas me një furgon.

Policia italiane raporton se aksidenti ka ndodhur midis Borgonovës dhe Pianellos, ndërsa për shkak të përplasjes së rëndë i riu shqiptar humbi jetën në vendin e ngjarjes.

Raportohet se 20-vjeçari, i cili banonte në Castelnovo, po shkonte për në punë kur u përfshi në aksident.

Mjekët që shkuan për ta ndihmuar nuk mund të bënin asgjë për të riun shqiptar. Ndërkohë, policia italiane po rindërton skemën e aksidentit për të zbardhur dinamikën e ngjarjes. /Albinfo.ch

---