Fluks i madh drejt Shqipërisë, nuk ka masa anti-Covid në hyrje të kufirit

Shqipëria ka hequr të gjitha kufizimet e Covid 19 për shtetasit që futen në territorin e Shqipërisë. Vendimi ka filluar të zbatohet edhe në pikën e kalimit kufitar të Morinës.

Në Morinë ka fluks, ndërsa policia kufitare po zbaton procedurën e përshpejtuar për të shmangur radhët e gjata, raporton Tch, përcjell Albinfo.ch.

Në pikën kufitare janë shtuar sportelet nga 5 në 7, si dhe një sportel tjetër lëvizës.

Pala kosovare nuk ka marrë akoma vendim për zbatimin e heqjes së kufizimeve në kufi. Sipas informacioneve të marra në P.K.K Vërmicë, puna për kontrollin e certifikatave të vaksinimit dhe rregullave të pandemisë kërkohet edhe sot.