Dy punëtorë të vdekur dhe një i zhdukur, nga shembja e një grope ndërtimi në Feusisberg SZ

Nxjerrja e viktimave do të marrë më shumë kohë. Vetëm kur rreziku për shpëtimtarët të përjashtohet, mund të vazhdohet kërkimi për personin e tretë

Një aksident i rëndë ka ndodhur sot në Feusisberg, kantoni Schwyz, pak pas orës 10:00.

Sipas prononcimit të një oficeri të Policisë (Michael Marty) Kantonale Schwyz, për SRF News, një mur i vjetër betoni është shembur dhe ka varrosur tre persona, transmeton albinfo.ch. Dy punëtorë humbën jetën dhe një i tretë është ende i zhdukur.

Sipas zyrtarit policor në fjalë, nuk ka shenja jete të personit të tretë. “Shpresë ka ende por është e vogël”.

Gropa duhet të stabilizohet

Për arsye sigurie, shpëtimi i viktimave do të marrë më shumë kohë. Marty: “Stabilizimi i gropës së gërmimit është një sfidë e madhe për momentin”. Vetëm kur rreziku për shpëtimtarët të përjashtohet, mund të vazhdohet kërkimi për personin e tretë në gropë.

Marty shpreson se kjo do të jetë e mundur në mbrëmje, përcjell albinfo.ch. Me ndihmën e ekspertëve të ndërtimit, tani po hapet një gropë e dytë gërmimi nga pjesa e pasme.

Disa shërbime shpëtimi dhe zjarrfikëse, kompania zvicerane e sigurimit të aksidenteve Suva, ekipi i kujdesit dhe inspektorati i punës i kantonit Schwyz, policia kantonale dhe prokurori publik i kantonit Schwyz janë në detyrë.

(Foto: SRF)

---