Priten humbje të mëdha në drithëra

Ministri ukrainas i Bujqësisë, Mykola Solsky deklaroi se priten humbje të mëdha në të korrat, gjatë bisedimeve me homologët e tij të G7-ës, në Shtutgart.

Lufta e Rusisë ndaj Ukrainës ka nxitur frikën e mungesës së ushqimit në mbarë botën, pasi vendi është një nga prodhuesit më të rëndësishëm të grurit dhe furnizuesit kryesor të misrit në botë.

Lufta ka shkaktuar rritjen masive të çmimeve të grurit, që ka ndikuar veçanërisht në vendet në zhvillim, përcjell Albinfo.ch.

Ministri gjerman i Bujqësisë, Cem Ozdemir, akuzoi Rusinë se po përdor urinë si armë duke bllokuar eksportet ukrainase të grurit.
”Lufta e Putinit ishte kryesisht mashtruese, pasi Ukraina luan një rol të rëndësishëm në zinxhirin global ushqimor”, tha Ozdemir, transmeton Dpa, duke vënë në dukje se gjysma e grurit të përdorur në ndihmën e Programit Botëror të Ushqimit vinte nga Ukraina.

”Mungesa e grurit dhe rritja e çmimeve ishin një strategji e qëllimshme ushtarake”, shtoi ai.
”Një total prej 25 milionë tonë drithëra janë aktualisht të bllokuara në portet e Ukrainës, kryesisht në Odesa”, njoftoi dje ministrja e Jashtme gjermane, Annalena Baerbock.

Aktualisht, Gjermania mban presidencën e G7-ës, ku përfshihen edhe Shtetet e Bashkuara të Amerikës, Kanadaja, Franca, Britania e Madhe, Italia dhe Japonia.
Ukraina është ftuar për të marrë pjesë në takimet e këtij viti.

---