Ekspertët europianë të motit thonë se temperaturat do të arrijnë deri në 40 gradë celsius në Itali dhe Francë, e mbi 30 gradë në Gjermani. Vala me origjinë nga Afrika Verilindore ka pushtuar jugun e Spanjës, që këto ditë me temperatura që i kapërcejnë 35 gradë celsius.
I nxehti i këtij viti ka ardhur më herët se në gjithë këto 40 vjetët e fundit. Autoritetet po zbatojnë masa të jashtëzakonshme për të shmangur fatalitetet, siç ka ndodhur vitet e kaluara.
500 milionë euro ka akorduar qeveria franceze për planin e masave për përballimin e të nxehtit. Qytetarëve u është bërë thirrje të qëndrojnë në zona të freskëta, si plazhe, ose të shmangin daljet në sheshe gjatë orareve të pikut.
I nxehti pritet të shkaktojë thatësirë që mund të rrezikojë edhe zjarre nëpër pyje.