Shqipëria ndër vendet më të rrezikuara nga ndryshimet klimatike

Foto Ilustrim

Shqipëria është një ndër vendet më të rrezikuara nga ngrohja globale. Ky konstatim doli nga një seminar i organizuar nga Universiteti i Tiranës në bashkëpunim me Helvetas dhe Agjencinë Zvicerane për Zhvillim dhe Bashkëpunim. Duke u diskutuar për ndryshimet klimatike, ekspertët thanë se synohet të nxitet diskutimi publik dhe ndërgjegjësimin lidhur me temën, transmeton Albinfo.ch.

“Shqipëria është një ndër vendet më të rrezikuara krahasuar me vende të tjera në Europë. Ka rreziqe si tërheqja e detit, dalja e lumenjve nga shtrati dhe rritje të temperaturave. Të gjitha këto kanë ndikim të madh në mjedis. Shqipëria duhet të punojë me përmirësimin e shërbimeve të agroturizmit, të menaxhimit të mbetjeve. Duhet të jepen informacione të shpejta dhe të vazhdueshme te fermerët, tek punonjës të sektorit të turizmit, pasi kjo është një mundësi e mirë edhe për tu zhvilluar”, u tha mes tjerash në këtë ngjarje.