Arrihet marrëveshja për eksportimin e grurit të Ukrainës

Keystone EPA/MAXIM SHIPENKOV

Bisedimet mes Rusisë, Ukrainës, Turqisë dhe zyrtarëve të Kombeve të Bashkuara kanë rezultuar me arritje të marrëveshjes lidhur me eksportimin e grurit, përcjell albinfo.ch.

Miliona tonelata të grurit ukrainas po qëndrojnë nëpër depot e portit të Detit të Zi, si pasojë e bllokadës ruse.

Ministri turk i Mbrojtjes tha të mërkurën se bisedimet kanë rezultuar me një marrëveshje të arritur për të formuar një qendër koordinuese me qëllim që të ofrohen korridoret e sigurta për transportim.

Në një kumunikatë të lëshuar për media, ministri turk i Mbrojtjes, Hulusi Akar, tha se marrëveshja do të nënshkruhet javën e ardhshme, kur të gjitha palët sërish do të takohen.

Ai theksoi se të gjitha palët janë pajtuar për një kontroll të përbashkët të drithërave nëpër porte.

Ndryshe, Ukraina prej fillimit ka akuzuar Rusinë se po bllokon portet, duke pamundësuar eksportimin e grurit.

Gjithashtu e akuzon Moskën se po e vjedh grurin e Ukrainës dhe se po e dërgon në pjesë të ndryshme të Rusisë.