Maqedonia ndalon eksportin e grurit dhe drurit

Masat merren pas krizës së çmimeve

Qeveria e Maqedonisë së Veriut ka miratuar një sërë masash të reja për përballimin e krizës ekonomike.

Duke nisur nga sot, Maqedonia e Veriut ka ndaluar eksportin e grurit, miellit, drurit dhe peletit. Ajo po ashtu ka hequr taksën doganore për importin e vajit për amvisëri deri në fund të vitit, transmeton Albinfo.ch.

Vendimi vjen pas informacioneve për dyfishimin e çmimit të druve për ngrohje deri në 80 euro për metër kub, dhe të peletit për ngrohje, nga 200 në rreth 400 euro për ton.

Sipas njoftimit, në mënyrë të ngjashme është vepruar edhe me grurin, miellin dhe prodhimet tjera të grurit, me qëllim të parandalimit të keqpërdorimeve në tregun vendor.

 

 

 

---