Rusia shpall 5 shtete armiqësore

Këto janë 5 shtetet tjera që Qeveria ruse i shpalli armike

Greqia, Danimarka, Sllovakia, Sllovenia dhe Kroacia janë bërë pjesë e listës së shteteve armiqësore ndaj Rusisë, përcjell albinfo.ch.

Qeveria ruse tha se lista u përditësua me një dekret të nënshkruar nga kryeministri Mikhail Mishustin, sipas La repubblica.

“Qeveria ka përditësuar listën e shteteve të huaja që kanë kryer dhe vazhdojnë të kryejnë akte armiqësore kundër misioneve diplomatike dhe konsullore ruse jashtë vendit. Lista tani përfshin gjithashtu Greqinë, Danimarkën, Sllovakinë, Slloveninë dhe Kroacinë”, thuhej në deklaratë.

Kujtojmë se në fillim të marsit qeveria ruse miratoi një listë të “shteteve jomiqësore”.

Lista përfshin vendet e BE-së, Australinë, Shqipërinë, Andorrën, Britaninë e Madhe, Islandën, Kanadanë, Lihtenshtajnin, Monakon, Zelandën e Re, Norvegjinë, Republikën e Koresë, San Marino, Maqedoninë e Veriut, Singaporin, SHBA-në, Tajvanin, Ukrainën, Malin e Zi, Zvicrën dhe Japoninë.

---