“Anglia e Vogël” shqiptare – vendi që Britania po ia merr rininë

Mungesa e punësimit dhe kushtet e vështira të jetesës, janë disa nga arsyet që i çojnë të rinjtë shqiptarë drejt Anglisë.

Rajoni i Hasit të Shqipërisë është bërë temë nga mediat britanike. Një reportazh të gjerë ia ka kushtuar Daily Mail Hasit, ose siç njihet ndryshe “Anglisë së vogël”.

Mes tjerash në shkrim Hasi cilësohet si vendi, të cilit Mbretëria e Bashkuar ia ka marrë gjithë rininë.

Mungesa e punësimit dhe kushtet e vështira të jetesës, janë disa nga arsyet që i çojnë të rinjtë shqiptarë drejt Anglisë, përcjell Albinfo.ch.

Çmimet për të shkuar drejt Anglisë janë me kamion 25-27 mijë paund dhe me gomone 3-6 mijë paund, por vitet e fundit është futur në modë dhe të shkuarit me jahte luksoze, me çmime që variojnë nga 17 mijë paund e lart.

Kushdo që shkon has vështirësi në bërjen e letrave. Disa detyrohen të martohen me të huaja, për të kryer këtë procedurë. Për vitin 2021, në Angli nënat shqiptare hynë në dhjetëshen që kanë lindur 3260 fëmijë. Kjo i ka ndihmuar për të marrë letrat brenda 5 vjetëve.

Nga marsi i vitit 2021 kanë aplikuar për azil 3 mijë shqiptarë, ndërsa për vitin 2022, janë 5 mijë kërkesa./Albinfo.ch

---