Borrell: Nuk ka marrëveshje, por ka kohë deri më 1 shtator

Kosova dhe Serbia nuk kanë arritur një marrëveshje për çështjen e targave dhe dokumenteve serbe gjatë rundit të ri të mbajtur më 18 gusht, ka konfirmuar përfaqësuesi i Lartë i Bashkimit Evropian, Josep Borrell. 

Kosova dhe Serbia nuk kanë arritur një marrëveshje për çështjen e targave dhe dokumenteve serbe gjatë rundit të ri të mbajtur më 18 gusht, ka konfirmuar përfaqësuesi i Lartë i Bashkimit Evropian, Josep Borrell.

Megjithatë, ai tha se palët janë pajtuar që të vazhdojnë diskutimet në ditët në vazhdim. Borrell tha se ka ende kohë deri më 1 shtator kur hyn në fuqi vendimi i Qeverisë së Kosovës për targat dhe dokumentet hyrje-dalje, raporton Albinfo.ch.

Ai tha se nuk do të heq dorë nga insistimi që dy shtetet të arrijnë kompromis.

Borrell tha se takimet e sotme në Bruksel midis kryeministrit të Kosovës, Albin Kurti dhe presidentit të Serbisë, Aleksandar Vuçiq, me ndërmjetësimin e BE-së, nuk ishin takime të zakonshme, por takime për menaxhimin e krizës.

Diskutimet në Bruksel vijnë tri javë pas rritjes së tensioneve në veri të Kosovës, teksa serbët ngritën barrikada më 31 korrik dhe 1 gusht për të kundërshtuar vendimet e Qeverisë së Kosovës për targat dhe dokumentet serbe./Albinfo.ch/

---