“Hollyshit”, me regji të Ilir Bokshit, do të fillojë turne në Austri

Shfaqja teatrore ‘Hollyshit’, me regji të Ilir Bokshit, do të nisë në shtator një turne shfaqjesh në Austri, si pjesë e projektit ‘Kultura në turne’.

Qëllimi i këtij projekti është të krijojë një itinerar udhëtimi dhe prezantimit të kulturës shqiptare, me fokus në krijimtarinë artistike bashkëkohore (skenike dhe, pamore), në të gjitha shtetet federale të Austrisë.

Qëllimi është që në Austri, si publikut shqiptar, po ashtu edhe atij austriak dhe të huaj t’u sillen shembujt më interesant të krijimtarisë nga Kosova, për të ngritur një komunikim dhe shkëmbim kulturor sa më të fuqishëm.

Dhe, për këtë udhëtim të parë kulturor është përzgjedhur komedia ‘Hollyshit’, me regji të Ilir Bokshit, ku luajnë Ylber Bardhi dhe Adrian Morina e cila do të shfaqet në:

– Salzburg – 21.09.2022

– Graz – 22.09.2022

– Linz – 23.09.2022 dhe

– Wien – 24.09.2022.