Për 17 vite me radhë, fjongoja e kuqe ka qenë një nga atraksionet më të dashura të festave të fundvitit në Vjenë. Ajo zbukuronte fasaden e dyqanit luksoz Popp & Kretschmer në Kärntnerstraße, gjatë festave të fundvit
Ky atraksion ka tërhequr miliona turistë duke u bërë në një nga vendet me të fotografuara të kryeqytetit austriak. Vitin e kaluar, fjongoja ishte bërë një nga simbolet më virale në botë për fotografi gjatë kësaj kohe, shkruan albinfo.at
Për shkak të kërkesave të reja të vendosura nga Bashkia e Vjenës, të sigurisë dhe kostove shtesë, dekori ikonik është zhvendosur brenda vitrinës së dyqanit.
Sipas drejtuesëve të dyqanit, arsyeja është se, kushtet dhe masat e reja të sigurisë të vendosura nga Bashkia, për shkak të dyndjes së madhe nga turistët dhe bllokimeve në rrugë, janë të papërballueshme finaciarisht dhe të pamundura për këtë vit.
Por, kryqyteti austriak ka tashme një tjetër atraksion festiv
Hoteli i njohur “Sacher” ka vendosur në fasadën e tij një pemë gjigante Krishtlindjesh, plot 7 metra të lartë, e cila ndriçon zonën dhe i shton atmosferën festive kryeqytetit austriak.
Pema e ndriçuar u prezantua në fillim të muajit nëntor, në një ceremoni ku ishte i pranishëm edhe kryebashkiaku i Vjenës, Michael Ludwig.
- Mbetet për t’u parë nëse pema gjigante e Hotel “Sacher” do të bëhet këtë sezon pika e re e preferuar e turistëve për fotografitë festive në këtë zonë të Vjenës.
