Ndërron jetë ambasadori i Maqedonisë së Veriut në Berlin

Ka ndërruar jetë ambasadori i Maqedonisë së Veriut në Berlin të Gjermanisë, Ramadan Nazifi, shkruan albinfo.ch.

Lajmin e bëri të ditur ambasadori i Kosovës në Gjermani, Faruk Ajeti.

“I pikëlluar kur dëgjova lajmin për vdekjen e mikut dhe kolegut Ambasadorit të Republikës së Maqedonisë së Veriut në Berlin, Ramadan Nazifi. Një diplomat i pashoq, njeri i respektuar dhe një mbështetës i madh i vendit dhe popullit tonë. Përjetësisht mirënjohës kontributit tij. Faleminderit për gjithçka Ramadan. U prefsh në paqe mik i dashur” ka shkruar Ajeti në një postim në rrjetet sociale.