Charles mbreti i ri i Anglisë, i trishtuar për vdekjen e nënës së tij

Keystone

Mbreti i ri i Anglisë, Charles, ka reaguar me një deklaratë pas ndarjes nga jeta të nënës së tij, Mbretëreshës Elizabeth II.

“Vdekja e Nënës sime të dashur, Madhërisë së Saj Mbretëreshës, është një moment i trishtimit më të madh për mua dhe të gjithë anëtarët e familjes sime. Ne vajtojmë thellësisht vdekjen e një sovrani të dashur dhe një nëne shumë të dashur. Unë e di se humbja e saj do të ndihet thellësisht në të gjithë vendin, mbretëritë dhe Commonwealth dhe nga njerëz të panumërt në mbarë botën”, thuhej në deklaratë.

Mbretëresha Elizabeth II, monarkja më jetëgjatë e Mbretërisë së Bashkuar, ka vdekur në moshën 96-vjeçare. Ajo u nda nga jeta paqësisht në Kështjellën Balmoral të enjten. Kurora i kalon menjëherë djalit të saj dhe trashëgimtarit Charles, i cili tani është Mbret./ BBC