Vjena dhe Cyrihu, në krye të “qyteteve më të jetueshme në botë”

Cyrihu dhe Gjeneva, pjesë e top qyteteve më të jetueshme në botë

Së fundmi, The Economist ka publikuar renditjen e qyteteve me kushtet më të mira të jetesës, njofton albinfo.ch.

Vlen të theksohet se këtë vit lista pësoi ndryshime dhe u ndikua jo vetëm nga pandemia Covid-19, por edhe nga lufta në Ukrainë, me Kievin që u hoq nga sondazhi dhe si Moska ashtu edhe Shën Petersburgu panë një rënie të rezultateve të tyre për shkak të “paqëndrueshmërisë së shtuar, censurës, vendosja e sanksioneve perëndimore dhe korporatat që tërhiqnin operacionet e tyre nga vendi.”

Disa qytete të Evropës Lindore ranë gjithashtu poshtë renditjes në dritën e rritjes së rreziqeve gjeopolitike, transmeton tutje albinfo.ch.

Si në vitin e kaluar, ashtu edhe këtë vit, kryeqyteti austriak, Vjena, është kurorëzuar edhe një herë si qyteti më i jetueshëm në botë për shumë arsye.

Opsionet e panumërta për kulturën dhe argëtimin, si dhe stabilitetin, infrastrukturën e mirë dhe kujdesin e shkëlqyer shëndetësor, ai është rikthyer edhe një herë në pozicionin e çmuar, pasi ka siguruar një rezultat mbresëlënës prej 99.1 pikë nga 100 të mundshmet. Kryeqyteti danez i Kopenhagës dhe qyteti zviceran i Zyrihut janë dy qytetet e radhës që do të mbyllin podiumin. /Albinfo.ch

---