Banka nuk kishte para: grabitësit ikin pa plaçkë

Kur kanë konstatuar se në filialën e sulmuar nuk kishte para, janë larguar në drejtim të panjohur dhe pa para

Dy persona të armatosur kanë sulmuar një degë banke në Schöfflisdorf në Cyrih Unterland të premten pasdite, transmeton albinfo.ch. Por ata nuk ia dolën të merrnin asgjë, pasi banka nuk kishte para “cash”.

Sulmuesit hynë në degën e bankës pak para orës 16:00, sipas policisë kantonale të Cyrihut të premten në mbrëmje. Ata kërcënuan personelin e pranishëm me pistoletë dhe kërkuan para.

Kur kanë konstatuar se në filialën e sulmuar nuk kishte para, janë larguar në drejtim të panjohur dhe si pasojë e rrethanave të krijuara, pa marrë asgjë, njofton sda.ch.

Kërkimi për të dy personat sipas njohurive të deritashme ka rezultuar i pasuksesshëm, thuhet më tej në deklaratë.

---