11 të vdekur nga shirat në Itali

Kryeministri italian, Mario Draghi, vizitoi rajonin e goditur nga stuhia Marche, duke i quajtur përmbytjet vdekjeprurëse një “katastrofë” dhe duke premtuar mbështetje për zonat e prekura.

Në 11 ka arritur numri i të vdekurve nga shirat shkatërrues dhe përmbytjet në Itali, teksa dy persona raportohen të zhdukur, sipas prefekturës së kryeqytetit rajonal, Ankonës.

Kryeministri italian, Mario Draghi, vizitoi rajonin e goditur nga stuhia Marche, duke i quajtur përmbytjet vdekjeprurëse një “katastrofë” dhe duke premtuar mbështetje për zonat e prekura.

Presidenti i Rajonit, Francesco Acquaroli, i ka kërkuar qeverisë së Romës të shpallë gjendjen e jashtëzakonshme, ndërsa qeveria të japë ndihmë urgjente prej 5 milionë eurosh, përcjell Albinfo.ch.

Pas thatësirës dhe nxehtësisë ekstreme të pranverës dhe verës, Italia së fundmi u godit nga stuhi të forta. Por situata aktuale në Marche, në bregdetin e Adriatikut, ka qenë më e keqja.

Papa Françesku komentoi fatkeqësinë në një intervistë për gazetën dhe u bëri thirrje politikanëve që të shqyrtojnë arsyet e fenomeneve të tilla të motit.

“Përmbytja dramatike në rajonin Marche, e cila ka shkaktuar shkatërrim dhe dhimbje në gjithë vendin, është prova tjetër se lufta për klimën meriton të njëjtën vëmendje si Covid-19 dhe lufta”, theksoi Papa për gazetën e përditshme ”Il Mattino”./Albinfo.ch

---