Zvicër: Rastet e lisë së majmunëve po ngadalësohen

(KEYSTONE/Laurent Gillieron)

Zvicra dhe Lihtenshtajni fqinj kanë regjistruar më shumë se 500 raste të lisë së majmunëve që nga fillimi i shpërthimit në maj.

Zyra Federale e Shëndetit Publik raportoi të hënën 502 raste të konfirmuara. Bazeli ka incidencën më të lartë me 14.7 raste për 100,000 banorë, i ndjekur nga Cyrihu (12.7) dhe Gjeneva (9.7).

Por, shkalla e përgjithshme e infeksionit po zvogëlohet në Zvicër, e cila është në përputhje me gjetjet e Organizatës Botërore të Shëndetësisë në mbarë botën.

Muajin e kaluar, qeveria zvicerane tha se do të siguronte 100,000 doza vaksine dhe 1,000 njësi të një trajtimi kundër lisë së majmunëve.

Qeveria tha se priste që rreth 20,000 njerëz të vaksinoheshin.

Ushtria zvicerane po siguron gjithashtu 60,000 doza të vaksinës dhe 500 trajtime antivirale për të siguruar një rezervë emergjence që mund të përdoret gjithashtu në rast të një shpërthimi të viruseve të tjera të lisë, transmeton tutje albinfo.ch.