Pallati Federal në Bernë, megjithatë do të ndriçohet

Organizatorët kanë premtuar se do të pezullojnë spektaklin e dritave çdo të hënë dhe në këtë mënyrë do të kursejnë 15 për qind të energjisë

Për dhjetë vjetët e fundit, Pallati Federal i Zvicrës (Bundeshaus) është vënë në skenë me spektaklin e dritave “Rendezvous Bundesplatz” për pesë javë, duke filluar nga fundi i tetorit, transmeton albinfo.ch. Edhe këtë vit manifestimi do të mbahet nën moton “Point Nemo”.

Kjo është vendosur pavarësisht nga mungesa e pritshme e madhe e energjisë. Kështu bëhet e ditur nga zyra e Këshillit Kombëtar, shkruan srf.ch.

Miratimi për këtë aktivitet jubilar (dhjetëvjetori i fillimit) është dhënë një vit më parë.

Megjithatë, organizatorët privatë kanë premtuar se do të pezullojnë spektaklin e dritave çdo të hënë gjatë këtyre pesë javëve dhe në këtë mënyrë do të kursejnë 15 për qind të konsumit të energjisë elektrike.

Si pasojë e mungesës së paralajmëruar të energjisë elektrike, në Zvicër, në shumë sektorë të jetës publike janë paralajmëruar masa të forta kursimi.

 

---