Shefi i NATO-s: Kërcënimi bërthamor nga Rusia është i rrezikshëm dhe i pamatur

Keynote speech by NATO Secretary General, Jens Stoltenberg, participating in the Ottawa Conference on Security and Defence, organised by the Conference of Defence Associations (CDA).

Mobilizimi i mijëra trupave nga Vladimir Putin për luftën në Ukrainë do të përshkallëzojë konfliktin, tha sot sekretari i përgjithshëm i NATO-s.

Jens Stoltenberg shtoi se kërcënimi i presidentit rus për të përdorur armë bërthamore ishte “retorikë e rrezikshme dhe e pamatur”.

Ai i tha agjencisë së lajmeve Reuters se mobilizimi i parë i Rusisë që nga Lufta e Dytë Botërore nuk ishte një surprizë, por se do të përshkallëzonte konfliktin, shkruan Sky News, përcjell Telegrafi.

Stoltenberg tha se lëvizjet e Putinit demonstruan “se lufta nuk po shkon sipas planeve të tij” dhe ishte e qartë se presidenti rus kishte bërë “një llogaritje të gabuar të madhe”.

“Ne do të sigurohemi që të mos ketë keqkuptim në Moskë se si do të reagojmë saktësisht”, tha ai. “Sigurisht që varet nga çfarë lloj situate apo çfarë lloj armësh mund të përdorin”.

“Gjëja më e rëndësishme është të parandalojmë që kjo të ndodhë dhe kjo është arsyeja pse ne kemi qenë kaq të qartë në komunikimet tona me Rusinë për pasojat e paprecedentë”.