Shtrëngimi i duarve mes presidentit zviceran dhe ministrit nga Rusia, shkaktoi polemika

Tweter MFA Russia

Ndërsa merrte pjesë në javën e hapjes së Asamblesë së Përgjithshme të 77-të të OKB-së në Nju-Jork këtë javë, Ignazio Cassis u fotografua duke shtrënguar duart me ministrin e Jashtëm rus, Sergei Lavrov, përcjell albinfo.ch.

Megjithëse Cassis njoftoi paraprakisht se do të trajtonte “provokimet e fundit të Presidentit Putin” dhe se do të “dënonte kërcënimin bërthamor”, Rusia e përdori foton për qëllimet e saj propagandistike, me Lavrov që publikoi foton e dy diplomatëve të buzëqeshur në Twitter.

Ndërsa Ministria e Jashtme tha se “nuk sheh asnjë problem” me këtë foto, mediat zvicerane vunë në dukje se “asnjë kryetar shteti apo ministër i një demokracie perëndimore nuk e ka lejuar veten të përfaqësohet me Sergei Lavrov në një qëndrim të tillë”.

🇷🇺🇨🇭 Russian Foreign Minister Sergey #Lavrov held talks with President of the Swiss Confederation @ignaziocassis on the sidelines of the 77th Session of the UN General Assembly.#RussiaSwitzerland #UNGA77 pic.twitter.com/QajRCW4sy4

— MFA Russia 🇷🇺 (@mfa_russia) September 21, 2022