Publiku zviceran është i hapur për lidhje më të ngushta me BE-në

photo Daniel Cox @dcoxy93 unspash

Zviceranët janë më të hapur se sa pritej për t’u afruar më shumë me Bashkimin Evropian nëpërmjet masave që shkojnë përtej marrëveshjeve aktuale dypalëshe – me kusht që ato të shoqërohen me masa mbrojtëse, sipas një studimi, transmeton albinfo.ch.

Edhe një marrëveshje e përditësuar për lëvizjen e lirë do të kishte një shans, tha sondazhi i 4,349 njerëzve në gjithë Zvicrën, i kryer nga Universiteti i St Gallenit në pranverë.

Rezultatet, të publikuara të enjten, zbuluan se zviceranët e konsiderojnë mbrojtjen e vendeve të punës si të një rëndësie qendrore në një marrëveshje të mundshme me BE-në.

Të anketuarit ishin më të gatshëm për kompromis në lidhje me mbrojtjen e pagave. Nëse do të ishin të informuar qartë për çështjet në fjalë, zviceranët do të ishin të gatshëm të shkonin më tej se vija e kuqe që i kishin vendosur vetes deri më tani, llogariti udhëheqësja e studimit, shkencëtarja politike Tina Freyburg, transmeton tutje albinfo.ch.