Të shtunën mbahet Panairi i Bizneseve Shqiptare në Austri – rreth 70 kompani marrin pjesë

Në këtë panair do të prezantohen bizneset e suksesshme shqiptare që veprojnë në Austri nga të gjitha fushat: ndërtimtari, arkitekturë, gastronomi, turizëm, IT, media, estetikë, automobilizëm etj.

Eventi më i madh i bizneseve shqiptare në Austri do të mbahet këtë të shtunë, me 15 tetor, në Vjenë. Ky event organizohet nga Rrjeti i Bizneseve Shqiptare në Austri dhe është njëri prej projekteve kryesore të rrjetit, shkruan albinfo.at

Në këtë panair do të prezantohen bizneset e suksesshme shqiptare që veprojnë në Austri nga të gjitha fushat: ndërtimtari, arkitekturë, gastronomi, turizëm, IT, media, estetikë, automobilizëm etj.

Sipas faqes së Rrjetit të Bizneseve “Albanian Global Diaspora Business Network” bëhet e ditur se në këtë panair do të marrin pjesë rreth 60 kompani shqiptare në Austri dhe 15 kompani nga Kosova.

Gjatë këtij eventi do të këtë takime B2B, njoftime e shkëmbime rreth kompanive.

Bizneset në këtë panair do të kenë mundësinë të prezantojnë biznesin e tyre para një numri të madh vizitorësh. Secila ndërmarrje do ta këtë tavolinën e vet, ku do t’i prezantoj projektet e veta dhe punën që ata bëjnë, përcjell albinfo.at

Rrjeti i Bizneseve, datën e 15 tetorit të këtij viti e ka cilësuar si një festë për komunitetin tonë shqiptarë në Austri, prandaj kanë premtuar se do të këtë befasi të ndryshme për vizitorët.

Panairi i Bizneseve Shqiptare do të mbahet me:

Data: 15 Tetor 2022
Vendi: Vjenë, Museum Quartier, Museumsplatz1 1070 Wien
Kohëzgjatja: 09:00 – 18:00
Hyrja për vizitorë: pa pagesë.

Shkaku i pandemisë, panairi rikthehet pas dy vjetësh pauzë

 

---