Bëhen bashkë në Cyrih bizneset dhe profesionistë të Diasporës

“Takimin me Biznese dhe Profesionistë të Diasporës” do të organizohet me datën 13 Tetor, 2022 në Cyrih, Zvicër nga ora 19:00, adresa: Zollhaus 

 Ky aktivitet rrjetëzues organizohet nga GERMIN me mbështetjen e partnerëve CARITAS-i Zviceran & Fondacioni Kosovar për Shoqēri Civile (KCSF) në kuadër të programit për Angazhim Qytetar.

 Agjenda: Në pjesën e parë të takimit, do të prezantohet “Programi për Angazhimin e Profesionistëve nga Diaspora” përmes së cilit GERMIN mundëson angazhimin e ekspertëve nga diaspora në Kosovë për një periudhë afatshkurtër në fushën e tyre të ekspertizës. GERMIN së bashku me partnerët KCSF & CARITAS, do të shpalosin të gjitha detajet mbi angazhimin e profesionistëve nga diaspora në institucione, organizata, apo biznese të Kosovës. Ky program ka për qëllim transferimin e njohurive dhe shkathësive, duke kontribuar kështu në rritjen e kapaciteteve në vendin e origjinës.

 Në pjesën e dytë të takimit do të prezantohet thirrja e hapur për projekte investuese në kuadër të projektit “Veprimi i Komunave për Riintegrim dhe Diasporë – MARDI” që implementohet nga CARITAS-i Zviceran në partneritet me GERMIN. Kjo thirrje do të jetë e hapur për dy muaj dhe bizneset e diasporës, të vetme apo në bashkëpunim me biznese të Kosovës, do të kenë mundësi të përfitojnë grant deri në 50,000 Euro për projekte investuese në Kosovë. Të gjitha detajet do t’i shpalosen në këtë takim! 

 Duke pasur parasysh numrin e kufizuar të pjesëmarrësve, ju ftojmë të regjistroheni për pjesëmarrje në këtë vegëz: https://bit.ly/3e4Qbko

Ju lutemi gjeni të bashkangjitur agjendën dhe ftesën për pjesemarrje në këtë ngjarje!