Thurgau: Dronët përdoren për komunikacion, por a është e ligjshme

Një person po lufton për të mbajtur patentën e tij të drejtimit pasi dyshohet se u pa duke ecur me shpejtësi 175 km/h në një zonë 80

Dronët po përdoren nga policia në kantonin Thurgau për të kapur vozitës që janë në shpejtësi – por mund të jetë e paligjshme.

Një person po lufton për të mbajtur patentën e tij të drejtimit pasi dyshohet se u pa duke ecur me shpejtësi 175 km/h në një zonë 80. 

Por avokati i tij thotë se provat nga një dron nuk janë të pranueshme në gjykatë, shkruajnë mediat zvicerane, përcjell albinfo.ch. 

Ai i tha gazetës Blick se është i paligjshëm, pasi droni nuk është i kalibruar, ndryshe nga kamerat e shpejtësisë në rrugë – dhe nuk ka asnjë trajnim zyrtar se si të trajtohet droni për të kapur shpejtësinë. 

Duket se kantoni është unik në përdorimin e dronëve. Policia e Thurgaut pranon se janë pioniere në këtë teknikë – dhe një zëdhënës i Konferencës së Komandantëve të Policive Kantonale thotë se ata nuk janë në dijeni të ndonjë force tjetër që përdor drone. 

Nëse i akuzuari fiton çështjen e tij – kjo mund të nënkuptojë fundin e eksperimentit me dron. 

---