Escobar: Çështje javësh, një marrëveshje mes Kosovës dhe Serbisë

Ai ka thënë se u takon të dyja palëve dhe ndërmjetësuesve të vendosin afatet kohore.

Një marrëveshje për një të ardhme ndërmjet Kosovës e Serbisë, është çështje javësh, ka thënë i dërguari i Posaçëm i SHBA-së për Ballkanin Perëndimor, Gabriel Escobar.

Ai ka thënë në Kanal10 se u takon të dyja palëve dhe ndërmjetësuesve të vendosin afatet kohore, përcjell Albinfo.ch.

“Unë i kam dëgjuar kolegët e mi evropianë të flasin se kjo është çështje javësh dhe jo vitesh. Për një marrëveshje, për rrugën përpara. Prandaj, përtej kësaj u përket të dyja palëve dhe ndërmjetësuesit që të vendosin afate kohore, por duhet të jetë e shpejtë.

Duke marrë parasysh kontekstin e asaj që po ndodh, secili duhet të marrë përgjegjësi për të krijuar stabilitet, jo vetëm në Evropë, por edhe në rajon”, ka deklaruar Escobar./Albinfo.ch

---