Gjykata Federale: Të burgosurit në Moutier duhet të kenë internet

Gjithashtu, sipas Gjykatës Federale, izolimi ditor prej 18 orësh në qeli për të burgosurit që nuk punojnë është shumë i gjatë

Të paraburgosurit që presin dëbimin dhe mbahen në burgun rajonal (burgu për dëbim) në Moutier, duhet të kenë qasje në internet, transmeton albinfo.ch. Gjithashtu, izolimi ditor prej 18 orësh në qeli për të burgosurit që nuk punojnë është shumë i gjatë.

Kështu thuhet në një vendim të Gjykatës së Lartë Federale. Ajo ka miratuar ankesën e një personi të interesuar për këto pika.

Në rastin konkret, një burrë 33-vjeçar, që besohet se është nga Burkina Faso, ka paraqitur një ankesë kundër zgjatjes së paraburgimit në pritje të dëbimit dhe kundër kushteve të paraburgimit, shkruan srf.ch.

Gjyqtarët federalë konfirmojnë vendimin e Bernës, sipas të cilit ndalimi i tij në pritje të dëbimit si i tillë është aktualisht ende proporcional dhe i nevojshëm, përcjell albinfo.ch. Por ata po ashtu kanë rënë dakord me personin në fjalë se kushtet e burgut në Moutier ishin shumë kufizuese.

---