Zvicra “çalon” në aspektin e barazisë gjinore

nsplash - krakenimages @krakenimages

Zvicra duhet të bëjë reforma në legjislacionin e saj, në segmente të caktruara që kanë të bëjnë me barazinë gjinore.

Komiteti i Ekspertëve të OKB-së i ka bërë dhjetëra rekomandime qeverisë zvicerane se si vendi mund të bëhet më egalitar, përcjell albinfo.ch.

Midis tyre janë masa të tilla si “forcimi i mëtejshëm i autonomisë ekonomike të grave”, si dhe përcaktimi i përdhunimit në bazë të mungesës së pëlqimit të viktimës, duke respektuar kështu standardet ndërkombëtare.

Në fakt, deputetët zviceranë janë duke diskutuar për një reformë të ligjit për seksin dhe përkufizimi i përdhunimit është në axhendën e tyre për seancën dimërore.

Nga ana tjetër, OKB-ja vlerësoi reformën e Aktit për Barazinë Gjinore dhe “Martesa për të gjithë”. Gjithashtu, si një zhvillim pozitiv shihet detyrimi për kompanitë me mbi 100 punonjës për të kryer një analizë të barabartë pagash.