Lajme

Bad News Eagles ka pësuar humbje në turneun Elisa Masters Espoo në Finlandë

E enjte, 17 Nëntor 2022 - 20:00 albinfo.ch

BNE - fb

Ekipi shqiptar Bad News Eagles ka pësuar humbjen e tretë në turneun Elisa Masters Espoo në Finlandë.

Kësaj radhe Bad News Eagles u përball me ekipin amerikan Complexity, ku u mposhtën me rezultat të ngushtë 16-14 në mapin ‘Ancient’.

Kjo është humbje e tretë për ekipin shqiptar në turneun Elisa Masters Espoo ku janë pjesë e grupit B.

Në ndeshjen e parë bNe u takua me ekipin portugez SAW të cilët i mposhtën me rezultat 16-12, në ndeshjen e dytë pësuan humbje ndaj Astralis në vazhdime me rezultat 19-16, ndërsa në ndeshjen e tretë u mposhtën nga ekipi bullgar 500 me rezultat 16-8.

Tani Bad News Eagles mban rekord të ndeshjeve 1-3 (një fitore, tri humbje) dhe është shumë afër eliminimit nga turneu.

Ndeshjen e fundit në fazën e grupeve Bad News Eagles do ta zhvillojë sot (e enjte) nga ora 19:00 ndaj ekipit fanatik me renditje në vendin e 11-të në botë.