28 Nëntori shënohet edhe në Nurnberg të Gjermanisë

Në Nurnberg të Gjermanisë, është organizuar një manifestimin për nder të Ditës së Flamurit – 28 Nëntorit, përcjell albinfo.ch.

Nënkryetari i Lidhjes së Arsimtarëve dhe Prindërve Shqiptarë “LAPSH” në Bavari, Armend Ismajli, nënvizoi një thënie të Ismail Qemalit.

“Një zë i shenjtë patriotizmi kishte pushtuar qytetin ku isha lindur dhe populli më përshëndeste kudo me entuziazëm dhe gëzim. Ishte e vërtetë ngase ajo ishte dita më e veçantë në historinë e popullit tonë”, theksoi ai.

“Para katër vitesh hapëm shkollën shqipe që e themeluam si institucion në vete në harmoni me kurrikulën e dhënë nga Ministria e Arsimit të Republikës së Kosovës dhe asaj të Shqipërisë”, tha ai.