Policia austriake, në kërkim të kosovarit

Kosovari Xh. F. dyshohet se për më shumë se një vit ka kryer vjedhje të shumta në rrethinat Perg dhe Urfahr, si dhe në Graz dhe rrethinë.

Siç thuhet në njoftimin e policisë austriake, ai udhëtonte mes Austrisë së Epërme dhe rajonit të Steiermarkut. Objektiv i tij ishin ndërtesat e banimit, në të cilat hajduti i dyshuar serial thuhet se ka vjedhur më shumë se 100,000 euro. Nuk dihet që gjatë kryerjeve të veprave të hajnisë shoqërohej edhe nga ndonjë person tjetër.

Sasia e lartë e dëmit erdhi si rezultat i shumë akteve që kosovari F. thuhet se ka kryer gjatë një viti, thotë Heimo Kohlbacher nga Shtabi i Policisë së Shtetit në Steiermak. Mund të ndodhë që i kërkuari të jetë ende i fshehur në Austri.

Prokuroria publike në Linz ka bërë të ditur identitetin e kosovarit si dhe ka publikuar fotografinë e tij. Ata bëjnë thirrje te popullata që kushdo që e sheh apo ka informacione rreth këtij personi, mund ta lajmëron në secilin stacion policor në mënyrë anonime.

---