Kurti reagon pas ngjarjeve në veri: Bandave kriminale po u vie fundi

Kurti @zyra e kryeminsitit

Kryeministri i Kosovës Albin Kurti duke komentuar zhvillimet e sotme në veri të Mitrovicës tha se bandat kriminale kanë intensifikuar sulmet në veri të Kosovës.

“Ato e dinë se po ju vie fundi. Qeveria e Kosovës as s’bën pazare me to dhe as s’i duron ato. Bombat që hedhin, plumbat që shkrepin dhe maskat që vendosin janë pafuqia e tyre politike e popullore. Me këto krime e sulme të armatosura në veri të Ibrit, doemos do të kemi më shumë polici të Kosovës atje”, ma theksuar Kurti duke sqaruar se do të ketë hetime e ndjekje të këtyre kriminelëve, që paguhen nga Serbia e dirigjohen nga presidenti i saj.

“Shkeljet e shumta të ligjit nuk do të falen kurse tendencat për destabilizim kriminal do të dështojnë. Në katër komunat në veri nuk është ndarja në serbë e shqiptarë, por në banda kriminale dhe qytetarë”, shtoi Kurti.

Ai poashtu kërkoi nga të gjithë qytetarët e Kosovës që të mbështesin shtetin dhe policinë e Kosovës, të gjithë zyrtarët që po mbrojnë kushtetutshmërinë dhe ligjshmërinë, republikën dhe demokracinë.