Maqedoni: Sindikatat kërkojnë rritje pagash për të gjithë të punësuarit në sektorin publik

Ilustrim

Me paralajmërimin e rritjes lineare të pagave në sektorin shtetëror, krerët e disa sindikatave tërheqin vërejtjen që të respektohet ligji për të gjithë njësoj në mënyrë që mos të bëhen shkelje të reja.

Sipas krerëve të sindikatave të gjithë të punësuarit në administratën shtetërore, të cilët janë në bazë të Ligjit për nëpunës administrativ duhet tu bëhet harmonizimi pagave aq sa rritet paga minimale, 2,500 den, transmeton alsat, përcjell albinfo.ch.

Sipas këtij ligji, të punësuarit në polici, arsim dhe në shëndetësi publike nuk do të kenë rritje lineare nga që nuk mund të gjithë 130 mijë të punësuarit në sektorin publik të përfshihen në harmonizimin e pagave sa herë që rritet paga minimale. Përderisa vihet në diskutim përfshirja e armatës në këtë rritje lineare prej 2,000 denarëve, në reagimin e Sindikatës për mbrojtje-siguri thonë se ligji u garanton rritje lineare.