Refuzoi të paguajë gjobën prej 40 frangash, i kushtoi 1 700 franga

(KEYSTONE/Christian Beutler)

Një ngjarje jo shumë e zakonshme ka ndodhur në Bernë, ku një zviceran refuzoi të paguajë gjobën prej 40 frangash, përcjell albinfo.ch.

Mospagesa e tij bëri që lënda e tij të shkojë në Gjykatën e Lartë për të dhënë vendimin e fundit.

Ani pse ai fillimisht nuk e kishte respektuar zonën e parimit, për shkeljen e vogël ai mori një gjobë prej 40 frangash.

Ndërkohë zvicerani nuk e ka pranuar këtë dënim, Gjykata Rajonale e Bern-Mittellandit ishte ajo që e trajtoi këtë mosrespektim dhe e gjithë proceduara e këtij rasti ishte e kushtueshme për zviceranin 1700 franga.

Gazeta “Berner Zeitung” shkruan se gjykata vlerësoi se shoferi nuk e kishte respektuar detyrimin e tij për kartelen e parkimit. Ai u lirua nga gjoba prej 40 frangash, mirëpo, për shkak se shkalla e parë i vendosi shpenzimet procedurale prej 700 frangash, burri e çoi çështjen në gjykatën më të lartë. Megjithatë gjykata tha se ishte detyrë e vozitësit ta vërë saktë kartelën e parkimit në mënyrë që të kontrollohej informacioni. Kostoja e procedurës kësaj herë ishte 1000 CHF. Pra, në vend që të paguajë një gjobë prej 40 frangash, zvicerani tani paguan gjithsej 1 700 franga.