Jetëgjatësia e shëndetshme rritet në Zvicër

@pixabay

Gjatë dhjetë vjetëve, midis 2007 dhe 2017, jetëgjatësia e shëndetshme u rrit me 2 vjet në Zvicër, sipas Swiss Medical Weekly (SMW).

Jetëgjatësia e shëndetshme është numri i viteve të jetës pa sëmundje ose paaftësi.

Në vitin 2007, një burrë mesatar 65-vjeçar në Zvicër mund të priste të qëndronte i shëndetshëm deri në moshën 79.1 vjeç dhe një grua deri në 79.5 vjeç. Deri në vitin 2017, këto mosha ishin rritur në 81.2 (+2.1 vjet) dhe 81.0 (+1.5 vjet), përcjell albinfo.ch.

Të dhënat tregojnë se ndërsa gratë kanë jetëgjatësi më të gjatë, ato nuk mund të presin një numër më të madh vitesh të shëndetshme sesa burrat.

Arsyet e mundshme për përmirësimin në vitet e shëndetshme janë të ndryshme dhe përfshijnë faktorë të tillë si kushtet socio-ekonomike në nivel personal dhe kombëtar, sjelljet shëndetësore (mënyra e jetesës) dhe sistemin e kujdesit shëndetësor.

Një studim i fundit sugjeron se njerëzit që shmangin duhanin, një mënyrë jetese të ulur, obezitetin dhe përdorimin e përditshëm të alkoolit mund të jetojnë deri në 11 vjet më gjatë pa aftësi të kufizuara sesa ata me dy ose më shumë nga këto sjellje.