Zvicër: Paraqiten si policë, vodhën rreth 100 mijë CHF

@pixabay

Policia e kantonit të St. Gallen ka regjistruar rreth 40 telefonata të dyshimta. Sipas autoriteteve disa persona po paraqiteshin si policë dhe deri më tani dyshohet se kanë vjedhur rreth 100 mijë franga. Autoritetet tregojnë se telefonatat u regjistruan nga e hëna në të premte dhe paratë i morën policët e rremë, raporton Blick, përcjell albinfo.ch.

Tutje autoritetet njoftojnë se personat pretendojnë se janë policë dhe telefonojnë qytetarët, duke u thënë që një familjar i tyre është i përfshirë në një aksident të rëndë pse fatal dhe që ndodhen në polici e kanë nevojë për lirim me kusht, viktimat kësisoj dorëzojnë paratë tek policët e rremë, shkruan Blick, përcjell albinfo.ch.

Të enjten pasdite, një grua (89) dorëzoi 28,000 franga para në dorë dhe ar në Goldach. Të mërkurën, një grua (52) dorëzoi 40,000 franga para të gatshme në qytetin St.Gallen. Të martën, një grua (58) ka transferuar mbi 21 mijë franga në llogari të ndryshme në Thal, shkruan Blick, përcjell albinfo.ch.

Policia ka këshilluar qytetarët që të mos dorëzojnë askund para ose gjëra me vlerë.