Presidenti i Austrisë, vizitë në Shqipëri

Twitter: Alexander Van der Bellen

Presidenti i Austrisë, Alexander Van der Bellen, me ftesë të Presidentit të Shqipërisë, Bajram Begaj, do të qëndrojë për vizitë në Tiranë.

Të hënën Begaj mirëpret të parin e Austrisë me ceremoni shtetërore, e më pas do të kenë një konferencë të përbashkët për media.

Va nder Bellen ka arritur të dielën në Shqipëri dhe është pritur nga ministri i Drejtësisë, Ulsi Manja.

“I nderuar të prisja sot në aeroportin “Nënë Tereza” Presidentin Federal të Republikës së Austrisë, Sh.T.Z Alexander Van der Bellen me Zonjën e Parë dhe delegacionin që e shoqëron në vizitën e tij të parë shtetërore në Shqipëri”, ka shkruar Manja, përcjell albinfo.ch.

Të dy presidentët do të marrin pjesë edhe në forumin me përfaqësuesit e bizneseve nga Austria, ndërkohë presidenti austriak do të mbajë edhe një fjalë përshëndetëse në Kuvendin e Shqipërisë, raporton AA, përcjell albinfo.ch.