Lista Serbe takon emisarët e Gjermanisë dhe Austrisë

FB: Lista Serbe

Të martën në Veri të Kosovës për takim me Listën Serbe shkuan emisari i Gjermanisë për Ballkanin Perëndimor, Manuel Sarrazin, i dërguari austriak Joannes Aigner dhe ambasadori i Gjermanisë në Kosovë, Jorn Rhode.  LS thotë se diskutuan për themelimin e Asociacionit të komunave me shumicë serbe, si nevojë urgjente, përcjellë albinfo.ch.

“Përfaqësuesit e Listës Serbe theksuan nevojën e formimit urgjent të Unionit të Komunave Serbe në përputhje me marrëveshjen në Bruksel dhe theksuan represionin që institucionet e Prishtinës po bëjnë ndaj serbëve dhe nevojën që urgjentisht të ndalet shtypja e popullit serb”, u tha në njoftimin e Listës Serbe, përcjellë albinfo.ch.

Pak orë pas arrestimit të një qytetari serb nën dyshimet për djegie të veturave me targa RKS në veri të Kosovës dhe për sulm ndaj Policisë së Kosovës, Lista Serbe ka kërcënuar me “kryengritje të përgjithshme” nëse i arrestuari nuk lirohet.