Televizioni i njohur gjerman SRW shfaq një film dokumentar mbi jetën e pasluftës në Kosovë, respektivisht për jetën muzikore në Prishtinë.
Në zemër të Prishtines, regjisorja amerikane Maddie Gewinn ndjek tre muzikantë të rinj që përballen me ambicien, izolimin dhe kreativitetin në një shtet pothuajse të panjohur.
Filmi nuk është vetëm një pamje e skenës underground të Kosovës, por edhe një reflektim global mbi një brez në tranzicion, të zënë midis rindërtimit të pasluftës dhe globalizimit dixhital, transmeton albinfo.ch.
Dokumentari është një bashkëprodhim ndërkombëtar nga Tradicomedia (SHBA) dhe Essence Film (Gjermani) për serinë SWR “Film Dokumentar për të Rinj”.
Filmi përqendrohet, ndër të tjera, te Suada Abazi (këngëtarja kryesore e grupit indie Zwada) me shokët e saj të grupit, Lum Veseli dhe Andi Sadiku, kitaristin Lekë dhe Edonën, e cila po kthehet pas vitesh heshtjeje.
Ylli ndërkombëtar i lindur në Kosovë, Rita Ora, ka shërbyer si producente ekzekutive e projektit.
Filmi shfaqet më 19 nëntor nga ora 23.35 në SWR.
