Vienna Economic Talks, në Prishtinë

Zyra e Kryeministrit te Kosoves

Nën patronatin e Kryeministrit të Republikës së Kosovës, Albin Kurti, në Prishtinë është mbajtur konferenca “Vienna Economic Talks”, në kuadër të Forumit Ekonomik të Vjenës.

Kurti ishte folës kryesor dhe njoftoi të pranishmit për progresin dhe arritjet në dy vjetët që po lëmë pas dhe për synimet e përbashkëta për vitet që na presin në të ardhmen, përcjell albinfo.ch.

Përgjatë tri sesioneve, përfaqësues të lartë të institucioneve vendore dhe ndërkombëtare do të diskutojnë për bashkëpunimin rajonal në fushën e investimeve përmes inovacionit teknologjik.

Kurti pranoi çmimin nga Forumi Ekonomik i Vjenës për bashkëpunim dhe kontribut në zhvillimin ekonomik të nivelit nacional dhe rajonal, çmim ky që u dorëzua nga Presidenti i Forumit Ekonomik, Ambassador Victor Jackovich.

Në fjalën e tij falënderuese, kryeministri Kurti bëri thirrje edhe për më shumë bashkëpunim, ashtu që slogani i Forumit Ekonomik të Vjenës “Shkoni në jug-lindje” (eng. Go South East”), të bëhet sinonim me ‘nearshoring’ perëndimor, përcjell albinfo.ch.