Turqia në balotazh, presidenti zgjidhet pas dy javësh

Keystone EPA/NECATI SAVAS

Pas dy javësh vendoset nëse Erdogan do të vazhdojë të jetë në krye të shtetit turk edhe për pesë vjet të tjera apo do të dalë në krye rivali i tij, Kilicdaroglu. Në raundin e parë, Erdogan nuk arriti 50% të votave.

Pas dy javësh Turqia do të votojë përsëri për të zgjedhur presidentin e vendit.

Nga zgjedhjet e së dielës, asnjëri prej kandidatëve nuk arriti të marrë 50% të votave në mënyrë që të fitojë në raundin e parë të zgjedhjeve, shkruan DW.

Erdogan u tregua i gatshëm për të dalë në balotazh kundër kandidatit të opozitës Kemal Kilicdaroglu. “Ne nuk e dimë, nëse zgjedhjet do të marrin fund në raundin e parë, por nëse njerëzit na dërgojnë në një raund të dytë, ne do ta respektojmë edhe këtë”, tha Erdogan.

Si agjencia turke e lajmeve, Anadolu, presidenti turk duket se ka arritur 49,5% të votave, kurse rivali i tij rreth 45%, përcjell albinfo.ch.

Kandidati i opozitës, Kemal Kilicdaroglu, u ankua për manipulime në numërim. “Në qendrat ku ne kemi një pjesë të madhe të votave, ata e bllokojnë sistemin me pretendime të njëpasnjëshme”, tha Kilicdaroglu, shkruan DW.