Skip to content

Kosova humb nga Irlanda por siguron qëndrimin në Ligën B

Republic of Ireland's Troy Parrott, left, and Kosovo's Elvis Rexhbecaj battle for the ball during the Nations League, league phase, group B3 match in Dublin, Tuesday, Nov. 17. 2026. (Niall Carson/PA via AP)

Përfaqësuesja e Kosovës në futboll është mposhtur me rezultat 3-0 nga Irlanda, në ndeshjen e zhvilluar në Dublin, në kuadër të Ligës së Kombeve.

Ndeshja mori një rrjedhë tjetër në minutën e 26-të, kur Kreshnik Hajrizi u ndëshkua me karton të kuq për prekje të topit me dorë brenda zonës së rreptësisë. Nga penalltia e akorduar, Troy Parrott kaloi irlandezët në epërsi në minutën e 28-të.

Në fillim të pjesës së dytë, Irlanda fitoi edhe një penallti, pas ndërhyrjes së portierit Aro Muriq. Parrott u tregua sërish i saktë nga pika e bardhë, duke dyfishuar epërsinë e vendasve.

Rezultatin përfundimtar 3-0 e vulosi Jack Moylan në minutën e 75-të, me një gol të shënuar me kokë.

Pavarësisht humbjes, Kosova ka siguruar qëndrimin në Ligën B të Ligës së Kombeve. Barazimi 1-1 në ndeshjen ndërmjet Izraelit dhe Austrisë bëri që Dardanët të mos e humbin këtë pozitë.

Kosova e përfundon këtë cikël të garave me një fitore, dy humbje dhe tri barazime.